പറഞ്ഞു തീരാത്ത ദാനം നിമിത്തം

പറഞ്ഞു തീരാത്ത ദാനം നിമിത്തം
ദൈവത്തിനു സ്തോത്രം – എൻറെ
എണ്ണിയാൽ തീരാത്ത നന്മകളോർത്ത്
ദൈവത്തിനു സ്തോത്രം – എൻറെ

കൃപയാൽ (2) ദൈവത്തിൻ കൃപയാൽ
ദയയാൽ (2) ദൈവത്തിൻ ദയയാൽ

ശ്രേഷ്ഠകരമായ പദവികൾക്കായ്
നിർണ്ണയപ്രകാരം തിരഞ്ഞെടുത്തു (2)
നിത്യജീവപാതയിൽ നിറുത്തിയതോ
ദൈവകൃപയാൽ ദൈവകൃപയാൽ

നാശകരമായ കുഴിയിൽ നിന്നും
കുഴഞ്ഞ ചേറ്റിൽ നിന്നും കര കയറ്റി
ക്രിസ്തു എന്ന പാറമേൽ നിറുത്തിയതോ
ദൈവകൃപയാൽ ദൈവകൃപയാൽ