പതിനായിരം പേർകളിൽ പരമസുന്ദരനായ മണവാളൻ

പതിനായിരം പേർകളിൽ പരമസുന്ദരനായ
മണവാളൻ ഒരുവൻ മാത്രം (3)
മണവാളൻ ക്രിസ്തുതാൻ പരിവാര സമന്വിതം
പരിലസിച്ചീടും മദ്ധ്യേ

പ്രതിദിനം അവൻ എനിക്കത്തലകറ്റുന്ന
ഉത്തമ മണവാളനായ്(3)
പരിലസിച്ചീടുന്നവൻ പരമമണ്ഡലങ്ങളിൽ
പരിവാര സമന്വിതമായ്;- പതിനാ…

ശുഭമുഹൂർത്തമെന്നാണെൻ പരമപ്രിയ
എന്നെ വേളി കഴിച്ചീടുവാൻ(3)
ശുഭ ദിനം കാത്തു കാത്തുറ്റിരിക്കും മദ്ധ്യേ
സമയമായെന്നുരയ്ക്കുന്നു;- പതിനാ…

വിശുദ്ധിയിന്നലങ്കാര പുടവ ധരിച്ചുകൊണ്ടു
മണവാട്ടി ഒരുങ്ങിനിൽക്കെ(3)
പരിശുദ്ധ ഗണങ്ങളിൽ നടുവിൽ
വെച്ചവനെന്നെ വേളി കഴിച്ചീടുമേ;- പതിനാ…

ദൈവാധി ദൈവത്തിൻ വാദ്യമേളങ്ങളെല്ലാം
ഉച്ചത്തിൽ ധ്വനിച്ചീടുമ്പോൾ(3)
ആദിയന്തമല്ലാത്ത പരിശുദ്ധ ദൈവം താൻ
മംഗല്യം നടത്തീടുമേ;- പതിനാ…

ഇവയോർത്തിട്ടാനന്ദാൽ നൃത്തം ചെയ്വാനെന്‍റെ
കാലുകൾ കുതിച്ചീടുന്നേ(3)
കാന്തയായ് പരിലസിച്ചന്തമില്ലായുഗം
തേജസ്സിൻ കൂടെ വാഴുമേ;- പതിനാ…