പോയിടാം നമുക്കിനിയും പോയിടാമല്ലോ

പോയിടാം നമുക്കിനിയും പോയിടാമല്ലോ
പ്രാണപ്രിയനേശു പിൻപേ പോയിടാമല്ലോ
പോകാം വേഗത്തിൽ വാഴാം സീയോനിൽ

സേനയിൻ അധിപനവൻ മുമ്പിലുള്ളതാൽ
ഭീതി തെല്ലുമേശിടാതെ പോയിടാമല്ലോ
വാനസേനയും കാവൽ ചെയ്തിടും;-പോയി

ബോബുകളനവധിയായ് സജ്ജമായിതാ
തൻ വാർത്തപോലെ ലോകമാകേ വെന്തഴിയുവാൻ
എത്ര ഭീകരം യുദ്ധനാളതിൽ;- പോയി

ലോകജാതികളുണർന്നു പോയിടുന്നിതാ
അന്തിക്രിസ്തുവിൻ വഴി വിപ്ളവത്തിനായ്
അന്ത്യനാളതിൻ ലക്ഷ്യമാണിവ;- പോയി

യൂദജാതികൾ മടങ്ങി സ്വന്തനാടതിൽ
വന്നു തങ്ങൾ രാജ്യവും പുതുക്കീടുന്നിതാ
പ്രിയൻ വന്നിടാൻ കാലമായിതാ;- പോയി

ദൈവമക്കൾ വേഗമായുണർന്നുകൊള്ളുവിൻ
ഇനി കാലമേറെ ഇല്ലയെന്നുമോർത്തുകൊള്ളുവിൻ
ശക്തരാകുവിൻ ശുദ്ധരാകുവിൻ;- പോയി