പ്രിയൻ എന്നെ ചേർത്തിടുവാൻ

പ്രിയൻ എന്നെ ചേർത്തിടുവാൻ
വാന മേഘേ വന്നിടാറായ്
അവനോടു ചേർന്നിടുവാൻ
വാഞ്ചയേറി കാത്തിടുന്നു

ഓ.. എന്നെ വീണ്ടെടുത്ത രക്ഷകനെ
വീണ്ടെടുപ്പിൻ ഗാനം പാടിടാം(2)
ശക്തി നൽകിടേണം എൻ പ്രിയ
വീണ്ടെടുപ്പിൻ ഗാനം പാടിടാൻ

ഘോര വാരിധി തൻ മദ്ധ്യത്തിൽ
തീരമറിയാതെ താഴുമ്പോൾ
ചേറ്റിൽ നിന്നും പ്രിയനുയർത്തി
സുസ്ഥിരമാം പാറമേൽ നിർത്തി

ഈ ധരയിൽ ജീവിച്ചിടും നാൾ
ശത്രുവോടെതിർത്തിടുമ്പോൾ
ഭീരുവായി തീർന്നിടാതെ
ശക്തിയേകും നാഥൻ ഉണ്ടല്ലോ