പുത്താനെരുശലേമിലെൻ നാഥൻ കല്യാണ

പുത്തനെരുശലേമിലെൻ നാഥൻ
കല്യാണ വിരുന്നിൽ
ആമോദത്തോടണഞ്ഞു ഞാൻ
ആത്മാവിൽ ഗീതം പാടിടും

Chorus
വിൺദൂതർ വാഴ്ത്തും കാന്തന്‍റെ
ചാരേ അണഞ്ഞു നില്ക്കും ഞാൻ
ആ നല്ല നാൾകൾ ഓർക്കു മ്പോൾ
ആത്മാവിൽ ഉള്ളം തുള്ളുന്നേ

ഇല്ല ദുഃഖം വിലാപവും
തൻ ചാരെ ചേർന്നു വാഴുമ്പോൾ
ആണികളേറ്റ പാണിയാൽ
അൻപിൽ കണ്ണീർ തുടച്ചീടും;- വിൺ…

നിത്യ നൽ രാജ്യമോർക്കുമ്പോൾ
ഇന്നുള്ള കഷ്ടം നീങ്ങിപ്പോം
കഷ്ടങ്ങളേറ്റ നാഥനായ്
ഇമ്പമായ് നാൾ കഴിച്ചിടാം;- വിൺ…

ഇന്നു നാം ചെയ്യും വേലകൾ
കണ്ണീരിൽ തികച്ചീടുകിൽ
അന്നാൾ തൻ സാന്നിധിയിൽ നാം
കണ്ടീടും കിരീടങ്ങളായ്;- വിൺ…

നിൻ പേർക്കായ് നാഥൻ ക്രൂശതിൽ
ഏറ്റ വൻ കഷ്ടം മോർത്തെങ്കിൽ
ഇത്ര വൻ സ്നേഹം തള്ളി നീ
പാപത്തിൽ നാൾ കഴിക്കുമോ

Chorus 2
കാണുമോ നീയും സോദരാ
എൻ നാഥൻ ധ്വനി കേൾക്കുമ്പോൾ
ആ നല്ല നാൾകൾ ഓർക്കുമ്പോൾ
ആത്മാവിൽ ഉള്ളം തുള്ളുന്നേ;- വിൺ…