ആശിച്ച ദേശം കാണാറായി

പ്രാണപ്രിയൻ വരാറായി
ക്ലേശമെല്ലാം തീരാറായി
പ്രത്യാശയോടെ നിൽക്കാം നാം

അനാദി സ്നേഹം തന്നവനേശു
ആപത്തുവേളയിൽ കൈവിടുകില്ല
പൊൻകരം നീട്ടി നമ്മെ ചേർത്തണച്ചിടും-നേരം
ആനന്ദത്തോടെ നാം സ്തോത്രം പാടിടും;-

കാഹളം ധ്വനിച്ചാൽ മരിച്ച വിശുദ്ധർ
കാന്തനോടൊത്തു പറന്നുപോയിടും
ആരാധിച്ചിടാം ഇന്നു സന്തോഷത്തോടെ നമ്മൾ
നിത്യതയിൽ കർത്തൻ കൂടെ എന്നും വാഴുമേ;-

ശോഭിതമാകും സ്വർഗ്ഗത്തിൽ എന്നും
യുഗായുഗം നാം കൂടെ വാഴുമേ
ഇരവുമില്ല പിന്നെ പകലുമില്ല തെല്ലും
കഷ്ടങ്ങളോ കണ്ണുനീരോ അവിടെയില്ല;-