എന്നെ സ്നേഹിച്ച യേശുവേ നിൻ പ്രാണൻ

എന്നെ സ്നേഹിച്ച യേശുവേ
നിൻ പ്രാണൻ എനിക്കായ് നൽകി(2)
ഞാൻ നിന്നെ തേടിയതല്ല
നീ എന്നെ തേടിവന്നു(2)

യേശുവേ… നീ നല്ലവൻ
യേശുവേ… നീ സ്നേഹവാൻ
യേശുവേ… നീ എൻ ദൈവം
യേശുവേ… എന്നിൽ വാഴണേ

കുശവൻ കൈയ്യിൽ കളിമൺപോൽ
നിൻ മുമ്പിൽ ഞാനിതാ തന്നീടുന്നു
മാനപാത്രമായ് പണികയെന്നെ
നിൻ കൃപ ദിനം തോറും നിറഞ്ഞിടുവാൻ;-

നല്ലൊലിവോടെന്നെ ചേർത്തു നീ
നൽ ഫലങ്ങൾ കായിപ്പാൻ
നിന്നോട് ചേർന്നു ജീവിപ്പാൻ
നിന്നോട് ചേർന്നു വാഴുവാൻ;-

ഇരുളിൽ വെളിച്ചമായ് മാറുവാൻ
മാറയിൽ മധുരം പകരുവാൻ
മഴപോലെ നിൻ കൃപ പെയ്യട്ടേ
നിൻ മഹത്വം എന്നിൽ നിറഞ്ഞിടട്ടെ;-