പാവന സ്നേഹത്തിൻ ഉറവിടമേ

പാവന സ്നേഹത്തിൻ ഉറവിടമേ
സ്വർഗ്ഗം വെടിഞ്ഞോനേ
പാപികളാം നരരെ രക്ഷിപ്പാൻ ക്രൂശ്ശെടുത്തൂ നീ

സാഹസം ചെയ്യാതെ വഞ്ചന ഇല്ലാതെ
എല്ലാം സഹിച്ചവനെ
നിൻപിതാവിൻ ഇഷ്ടംചെയ്വാൻ
സ്വയം സമർപ്പിച്ചു

സത്യത്തിൻ സാക്ഷിയായ് ഭൂവിൽ ജനിച്ചെന്നു
സാക്ഷ്യം പറഞ്ഞതാലെ
സത്യമെന്തെന്നറിയാത്ത നാടുവാഴി യേശൂവെ മർദ്ദിപ്പിച്ചു
ചാട്ട വാറിൽ മേനികുരുങ്ങി എനിക്കായ് തൻ രക്തം
ചാലായ് ഒഴുകി അടിപ്പിണരാൽ
ഏവർക്കും സൗഖ്യമേകാൻ;-

കണ്ണിൽ ദയയില്ല കണ്ടുനിന്നവർ (ആയിരങ്ങളും) ആർത്തിരമ്പുമ്പോൾ(2)
ദുഷ്ടരാം പാപികൾ യേശുവേ മർദ്ദിച്ചു മുൾക്കിരീടം ചാർത്തി
നിൻതിരു മേനി എനിക്കായി യാഗമായ് തന്ന രക്ഷകനെ
സാക്ഷാലെൻ വേദന രോഗങ്ങൾ
പാപങ്ങൾ തൻ ചുമലേന്തിയേ;-

ആടിനെപ്പോലെനാം ചുറ്റിയലഞ്ഞപ്പോൾ തേടി വന്നവൻ
അറുക്കപ്പെട്ട കുഞ്ഞാടായി നമ്മേ വീണ്ടെടുപ്പാൻ
കാട്ടൊലിവാമെന്നെ നല്ലഒലിവാക്കുവാൻ (നിൻ)പുത്രനെ തന്നല്ലോ
ആയിരം ആയിരം നാവിനാൽ നിൻ
സ്നേഹം വർണ്ണിപ്പാൻ ആവതില്ലാ;-

ദിവ്യമാം സ്നേഹമേ അനശ്വര സ്നേഹമേ
ക്രൂശിൻ സ്നേഹമേ (2)
എന്നെ നീ വീണ്ടതാൽ നിൻമകനാകയാൽ നിൻ കൂടെ വാഴും ഞാനും
പാടുമേ ആ നാളിൽ വീണ്ടെടുപ്പിൻ ഗാനം വിശൂദ്ധരോടൊത്തു
കാഹള നാദത്തിൽ ഞാനും ഉയർത്തന്നു
സ്വർഗ്ഗ ഗേഹം പൂകിടും;-